Imazhi dhe popullariteti i Saimir Tahirit nuk ka rënë, me gjithë akuzat për trafik droge dhe korrupsion që rëndojnë ndaj tij.

Edhe pse sot Gjykata e Krimeve të Rënda vendosi masën e sigurisë ‘arrest shtëpie’ për ish-ministrin e Brendshëm, ka ende të rinj që e shohin si një figurë pozitive, me të cilin ‘ia vjen’ të bësh edhe një foto.

Shfaqja e sotme e ish-ministrit në publik nuk mund të ikte pa vëmendjen e qytetarëve të thjeshtë, ku një grup të rinjsh i kanë kërkuar ish-ministrit të bëjnë një foto me të. pavarësisht se vendosej ‘fati’ i tij, Tahiri u shfaq mjaft i qetë, ndërsa nuk nguroi as të buzëqeshte, sikur të ishte një ditë krejt e zakonshme.

Sapo gjykata e Krimeve të Rënda ka vendosur masën e arrestit në shtëpi për ish-ministrin e Brendshëm Samir Tahiri, prokurorët kanë mbërritur në banesën e tij ku i kanë komunikuar në prani të avokatit vendimin e drejtësisë. Por çfarë ndodhi deri në këtë vendim?

Orë të ethshme kanë qenë këto të sotmet për Tahiri, i cili do të ngujohet duke nisur nga sot në shtëpinë e ti, pasi është i dyshuar për kryerje të veprave penale “Trafikimi i narkotikëve”, në bashkëpunim, në formën e grupit të strukturuar kriminal dhe, “Korrupsioni pasiv i funksionarëve të lartë shtetërorë ose i të zgjedhurve vendorë”.

‘News24’ mëson se Tahiri pothuajse gjatë gjithë ditës së sotme ka qëndruar në shtëpinë e tij, në zonën e Kodrës së Diellit. Por vetëm për pak çaste ai ka dalë nga shtëpia, për të konsumuar një kafe aty pranë në lagje. “Saimir Tahiri në informacionet që disponoj, ka qenë në ambientet e shtëpisë së tij në kodrën e diellit. Është parë ka dale të shijonte një kafe aty pranë lagjes”, tha Lala.

Po ashtu Lala vijoi me intinerarin e ndjekur sot. “Pasi prokurorët kanë marrë këtë urdhër, janë drejtuar tek Tahiri, ku ia kanë komunuar në prani të Mask Haxhias vendimin. Në orën 09:20 minuta në ambientet e Gjykatës së Krimeve të Rënda është paraqitur gjykatësja Liljana Baku. Për më shumë se 8 orë ka qëndruar e ngujuar në zyrën e saj. Gjatë gjithë ditës kemi parë Gentian Hasanin, Besim Hajdar Matajn, prokurorët e kësaj çështje. Rreth orës 19:15 minuta Liljana Baka ka lënë ambientet bashkë me dy sekretaret, njëra prej të cilave ka qenë me një fëmijë”, tha Lala. Më pas ajo shtoi se në ambientet e Gjykatës së Kriemve të Rënda janë paraqitur dy zyrtarë të lartë të policisë Aida Hajnaj Zv/drejtoresha e Policisë dhe Eduard Merkaj. Fill pas kësaj, më pas prokurorët janë paraqitur në shtëpinë e Tahirit, ku këtij të fundit i është komunikuar masa e marrë.”, tha gazetarja Lala.